都話瞓窗邊有着數，起身揭開個窗簾，猛烈嘅日頭襯托住咁靚嘅景色，呢間酒店真不錯！ 早餐有日式或西式選擇，我地都揀哂西式，我始終都唔習慣朝早食飯。
由停車場要經一條斜路先到小徑「Charenka羊腸小徑」嘅入口，入口有個門檻，寫住女人係唔可以進入。不過時至今日，呢個傳說已經冇再講，大把女性遊客到呢度添。
三個頭都甩哂咁返出嚟，好大風呀，不過我地覺得不枉此行，因為真係好靚。出返嚟小樽我地先去今晚住宿嘅旅館Otaru Green Hotel check in先。呢間應該係全個trip住宿費最平嘅一間，貪佢近小樽市，去邊都咁易。我地泊底架車上房，哈，真係好細，我地亦叫佢做wet 9酒店。不過唔緊要啦，因為last day，我地都係諗住瞓覺啫，所以唔係好計較！急不及待出去行街喇! 嚟咁多次北海道都未見過夏天嘅小樽，由於我地對小樽太熟悉喇，所以冇乜影相，行咗好幾個鐘，就去另一間頗有名嘅旭壽司食晚餐。
今日我地去一個唔係咁多遊客會選擇嘅「積丹半島」。積丹半島喺香港出版嘅旅遊書通常都係一版起，兩版止，甚至唔會提及。所以落機當日，第一時間就係走去買本rurubu出版嘅北海道local指南。因為香港出版嘅都係大路嘅旅遊熱點，例如用好多篇幅講富良野，札幌，小樽等，相對起嚟，道東就極少提及，莫講話積丹半島呢啲窿窿罅罅地方啦！
呢本就係我推介嘅 Rurubu喇, 香港Sogo嘅旭屋書局都見唔到有得賣.. 識睇日文嘅，Rurubu都有internet version可供選擇，唔只北海道，全個日本都會講到，仲有季節限定特輯添！
遊積丹，我建議好似我呢幅路線圖咁，由小樽出發，先到美國町（紅線, 如果唔坐glass boat可以直接駛到下一個目的地積丹岬），再到積丹岬（藍線, 島武意海岸），食海膽飯，再去神威岬(橙線)，然後沿路返轉頭去小樽，除非諗住去二世古或者半島裡面嘅其他地方，如果諗住兜半島一個圈返小樽，會非常蠢，因為車程係嚟嘅路程差唔多一倍，加上神威岬以後已經冇乜景點，所以建議神威岬為終站，然後沿路返轉頭。
由小樽出發，到積丹半島大概一個鐘嘅車程。先到半島嘅美國町坐glass boat睇uni。講真，我地覺得可以慳返呢程使費！因為坐喺隻船度，先落船底睇uni，不過都幾壯觀，全個海底都佈滿哂海膽！ 之後上返甲板睇積丹半島唔同岩石嘅形態，佢淨係得日文講解，都唔知講乜，唔夠tourist friendly。最後節目係俾麵包我地餵飛過嘅海鷗，拎住舊麵包，海鷗就會飛過嚟食，如果驚俾佢地啄到，可以拋出去，佢地都好叻咁接到添！呢個glass boat未試過可以試，不過係可以省卻嘅部份！呢個係我話嘅，唔認同冇緊要！
下一站係積丹岬，落車地方唔見得有乜特別，但喺停車場穿過小隧道之後，就可以到達「島武意海岸」。呢個海岸海水透明度非常高，甚至被選為「日本百大海岸」之一。
欣賞完島武意海岸個肚開始打鼓，睇Rurubu介紹一間元祖海膽食處- 積丹の幸。嚟積丹唔食海膽不如唔好嚟！全北海道只有兩個地方啲海膽係天下第一，分別係北海道最北嘅稚內，同埋積丹呢度。我諗揀邊間食都冇所謂，因為呢個地方係出產海膽而聞名，所以分別應該唔會好大。不過因為到此一遊，就介紹俾大家。
個menu雖然有其他食品，但嚟得嘅人又點會叫海膽飯以外嘅嘢呢。
飯到喇，嘩，睇吓啲海膽舖滿哂個面，好香好肥美，好奇怪點解我以前唔食海膽！記得我第一次放海膽落口都係幾年之前嘅事。我諗因為個賣相問題，一pat pat，顏色又唔多吸引，但係最主要係因為啲腥味嚇怕咗我。但日本嘅海膽真係唔同啲，當然加埋專攻海水海膽咁就冇得彈啦！
近鏡啲睇，直頭流哂口水
食飽飽就出發到積丹半島旅程嘅最後一站，神威岬。高80米懸崖嘅周圍，喺古時經常發生撞船意外，當時盛 傳話船隻載女人唔吉利，所以亦禁止女人登上懸崖，直到1855年， 先開放俾女人行近。
由停車場要經一條斜路先到小徑「Charenka羊腸小徑」嘅入口，入口有個門檻，寫住女人係唔可以進入。不過時至今日，呢個傳說已經冇再講，大把女性遊客到呢度添。
企喺度望出去，睇唔到小徑嘅盡頭，行小徑就好似行喺駱駝背，兩邊都係懸崖，都咪話唔刺激！ 對出海面就係日本海喇，清澈度好高
條路好迂迴曲折，上上落落，都幾攰，不過由於景色好靚，中途都不斷停底影相同拍video，都唔覺得好辛苦！行咗大約廿幾分，終於都達最前端。嘩，呢度好大風呀，你睇吹到佢地兩個！
我個頭都差啲吹甩，眼鏡都差啲吹走
三個頭都甩哂咁返出嚟，好大風呀，不過我地覺得不枉此行，因為真係好靚。出返嚟小樽我地先去今晚住宿嘅旅館Otaru Green Hotel check in先。呢間應該係全個trip住宿費最平嘅一間，貪佢近小樽市，去邊都咁易。我地泊底架車上房，哈，真係好細，我地亦叫佢做wet 9酒店。不過唔緊要啦，因為last day，我地都係諗住瞓覺啫，所以唔係好計較！急不及待出去行街喇! 嚟咁多次北海道都未見過夏天嘅小樽，由於我地對小樽太熟悉喇，所以冇乜影相，行咗好幾個鐘，就去另一間頗有名嘅旭壽司食晚餐。
終於完成我地八日七夜自駕遊喇，我地都好滿足，好唔捨得返香港！而今晚係最後一晚，決定搵個地方飲杯酒。
4:36 PM |
Category: |
2
comments
Comments (2)
嘩，好多謝你share個post....
小妺第一次去曰本，帶埋媽咪－齊去，所以想帶佢去Ｄ較為特別路線，加上媽咪愛吃海膽，希望佢有個美好回憶！
多謝！希望這小小遊記可以幫到你！積丹海膽真正鮮甜，不可錯過！祝旅途愉快！