第二朝起身，感覺到陽光透入嚟，打開窗簾，喺樹葉叢中睇到阿寒湖，噢，好想快啲出去感受吓，再去搵我嘅Marimo添！
食早餐嘅地方同尋晚dinner一樣，但係太黑，都唔知望出去就係阿寒湖！ 仲要係落地玻璃，整個湖就進入眼簾。 早餐過後，我地決定再上露天溫泉，希望睇吓白天景係點嘅。朝早浸，唔止望到景，仲望到隔離男賓嘅露天風呂添！ 雖然要企到直一直先會睇到，但我地都好戰戰競競嗚低身走來走去，費事俾人睇蝕哂，哈！
我地enjoy咗一陣湖景，就預備check out喇！ check咗schedule，啱啱miss咗一班船，要等一個鐘，唯有飲杯咖啡嘆一嘆先啦！
我地放咗啲行李上車之後就行出碼頭，途經我喺網上睇過，room rate差唔多triple我地間New Akan嘅阿寒鶴雅別墅鄙之座。門面真係幾靚，非常日式。 全部客房都配有露天温泉，而且每間房嘅陳設，裝飾，風格都唔一樣。
我地梗係想八卦吓究竟有乜咁巴閉啦！諗住入去飲杯coffee都好呀！門前有一條木條製成嘅通道，而地下就係石春路，未入已經feel到佢嘅貴氣。大門前有個SecQ伯伯檔駕，話唔係住客唔俾進入咁話。我地諗住趁佢行開嘅時候影吓裡面係點，點知佢好似識穿我地，仲護送我地出返嚟添，激死！
呢間超高級日式旅館係TVB和味無窮都介紹過。
其實我地間酒店唔係好輸蝕嗟，well，唔計外型... heee..
沿住岸邊行到碼頭，觀光船已經等緊接載下一班遊客。我地同隻船影完相就上去揀返個靚位。
遠望返我地嘅 New Akan Hotel
船上人唔太多，我諗大概二十幾人。喺呢六十分鐘嘅旅程裡面，觀光船嘅阿寒湖先繞場一周，有日語講解個湖嘅歷史背景同其他資料，仲有隨船奉送Marimo老歌一隻，真係繞樑三日，聽出耳油！
行咗三十分鐘左右，船就停泊喺Churui Island，島上面有綠球藻展示觀察中心, 阿寒湖畔生態展覽中心等。遊客落船就跟住導遊帶我地經過樹林，進入Marimo嘅觀察中心。喺裡面有大大小小不同形態嘅Marimo！ 認識Marimo係以前到北海道嘅時候，喺札幌或者機場買手信嘅地方都會見到有一排專櫃滿放咗呢隻綠色卡通公仔嘅product，佢蠱惑得意嘅造型吸引咗我，所以今次有機會嚟道東，點都要嚟一嚟Marimo嘅家鄉搵一搵佢。
全世界最大嘅Marimo？
真係好靚呀，我仲用咗呢幅相做itouch嘅wallpaper添
Marimo嘅活動情況.. 一個幾悶嘅video，早知加返個background music啦...
離開觀光船，一上岸就見到有一檔賣Marimo嘅小販檔。阿大叔好nice，又識幾句Eng Moon，見我地興高彩烈咁揀Marimo，佢當然唔會錯過sell我地嘅機會啦。佢仲show咗俾我地睇有三十歲嘅Marimo，好大咪呀！ 我同fafa都揀咗正常size嘅，而toto就買咗個巨咪！養Marimo唔係就咁放喺度，要一個禮拜沖一次涼，餵一次飯（即係滴幾滴營養水），樽底嘅石仔又要得閒俾太陽哂吓，如果見Marimo變啡色就要小心喇，佢可能時日無多，要快快搶救喇！
買完Marimo，我地就去咗附近嘅商店街買Marimo嘅products。我買咗好多手信，因為Marimo真係一個令人愛不釋手嘅character，尤其佢身體最「突出」部份加上賤賤格格眼神，好鬼抵死！
Marimo Power Drink，唔～～～
沿路見到手湯同腳湯，咁得意，無啦啦喺路邊會有個淨係手或腳嘅溫泉！
其實阿寒國立公園好大，有一邊係可以打golf添，但礙於時間唔許可，我地又係時候去下一站，就係道東三湖另一個湖 -- 屈斜路湖。屈斜路湖係日本最巨大嘅破火山口湖。喺湖邊有好多大大小小嘅溫泉，聽講話只要喺湖邊挖一下就會有溫泉湧出。 另外，仲聽聞有一隻不明物體嘅巨大生物「KUSSI」喺呢個湖出沒添，不過我地又見唔到喎，哈！
諗住搵間coffee shop坐係湖畔欣賞風景，不過冇開。呢個湖方圓幾里都好似冇落腳點，我地唯有直接去下一個地點，道東三湖最後一個，摩周湖。 呢個亦都係我三個湖裡面最鐘意嘅湖。
離屈斜路湖冇耐聞到好大陣硫璜味，原來前面係硫磺山！ 我地仲係條窄窄嘅馬路旁停底影相添。硫磺山係一座活火山，北海道嘅原住民愛奴族叫佢做「裸山」（唔知點解）。
呢條就係川湯溫泉街，好多日本人同遊客鐘意嚟呢度浸浴，貪啲溫泉水嘅礦物質對身體好。條街周圍都係溫泉旅館，有啲就係齋溫泉，冇得住嘅，仲有啲就係頭先見過嘅手湯或者足湯。
由屈斜路湖上摩周湖雖然唔係遠，只係一條路上山，但係呢條路九曲十三彎，要好小心同好慢先唔會坐到頭暈。喺GPS嘅圖片可以睇到條路有幾刁鑽。我地本來認定當年"頭文字D"一定喺呢度拍攝嘅，啲路完全喺可以玩drifting（飄移）咯！
資料話，摩周湖係日本透明度最高嘅湖泊，喺2001年被選定為北海道遺產，佢亦都係一個火山湖，原本係世界上透明度最高嘅湖，不過因為湖裡面養咗姬鱒魚和虹鱒魚，令湖嘅透明度大幅下降。 好多人認為佢係日本最靚嘅湖泊，我雖然未見識哂全日本嘅湖，但都好肯定呢個讚美。尤其佢清都不得了嘅深藍色湖水就更加令人難忘。
環境無得頂嘅摩周湖。（2009年8月：呢兩日嘅新聞話日本藝人酒井法子失咗蹤，仲傳聞話喺摩周湖呢度見到擬似佢嘅屍體添，咁邪？ 不過原來係流嘅，佢因為藏毒而自首咗！）
食早餐嘅地方同尋晚dinner一樣，但係太黑，都唔知望出去就係阿寒湖！ 仲要係落地玻璃，整個湖就進入眼簾。 早餐過後，我地決定再上露天溫泉，希望睇吓白天景係點嘅。朝早浸，唔止望到景，仲望到隔離男賓嘅露天風呂添！ 雖然要企到直一直先會睇到，但我地都好戰戰競競嗚低身走來走去，費事俾人睇蝕哂，哈！
我地enjoy咗一陣湖景，就預備check out喇！ check咗schedule，啱啱miss咗一班船，要等一個鐘，唯有飲杯咖啡嘆一嘆先啦！
我地放咗啲行李上車之後就行出碼頭，途經我喺網上睇過，room rate差唔多triple我地間New Akan嘅阿寒鶴雅別墅鄙之座。門面真係幾靚，非常日式。 全部客房都配有露天温泉，而且每間房嘅陳設，裝飾，風格都唔一樣。
我地梗係想八卦吓究竟有乜咁巴閉啦！諗住入去飲杯coffee都好呀！門前有一條木條製成嘅通道，而地下就係石春路，未入已經feel到佢嘅貴氣。大門前有個SecQ伯伯檔駕，話唔係住客唔俾進入咁話。我地諗住趁佢行開嘅時候影吓裡面係點，點知佢好似識穿我地，仲護送我地出返嚟添，激死！
呢間超高級日式旅館係TVB和味無窮都介紹過。
其實我地間酒店唔係好輸蝕嗟，well，唔計外型... heee..
沿住岸邊行到碼頭，觀光船已經等緊接載下一班遊客。我地同隻船影完相就上去揀返個靚位。
遠望返我地嘅 New Akan Hotel
船上人唔太多，我諗大概二十幾人。喺呢六十分鐘嘅旅程裡面，觀光船嘅阿寒湖先繞場一周，有日語講解個湖嘅歷史背景同其他資料，仲有隨船奉送Marimo老歌一隻，真係繞樑三日，聽出耳油！
行咗三十分鐘左右，船就停泊喺Churui Island，島上面有綠球藻展示觀察中心, 阿寒湖畔生態展覽中心等。遊客落船就跟住導遊帶我地經過樹林，進入Marimo嘅觀察中心。喺裡面有大大小小不同形態嘅Marimo！ 認識Marimo係以前到北海道嘅時候，喺札幌或者機場買手信嘅地方都會見到有一排專櫃滿放咗呢隻綠色卡通公仔嘅product，佢蠱惑得意嘅造型吸引咗我，所以今次有機會嚟道東，點都要嚟一嚟Marimo嘅家鄉搵一搵佢。
全世界最大嘅Marimo？
真係好靚呀，我仲用咗呢幅相做itouch嘅wallpaper添
Marimo嘅活動情況.. 一個幾悶嘅video，早知加返個background music啦...
離開觀光船，一上岸就見到有一檔賣Marimo嘅小販檔。阿大叔好nice，又識幾句Eng Moon，見我地興高彩烈咁揀Marimo，佢當然唔會錯過sell我地嘅機會啦。佢仲show咗俾我地睇有三十歲嘅Marimo，好大咪呀！ 我同fafa都揀咗正常size嘅，而toto就買咗個巨咪！養Marimo唔係就咁放喺度，要一個禮拜沖一次涼，餵一次飯（即係滴幾滴營養水），樽底嘅石仔又要得閒俾太陽哂吓，如果見Marimo變啡色就要小心喇，佢可能時日無多，要快快搶救喇！
買完Marimo，我地就去咗附近嘅商店街買Marimo嘅products。我買咗好多手信，因為Marimo真係一個令人愛不釋手嘅character，尤其佢身體最「突出」部份加上賤賤格格眼神，好鬼抵死！
Marimo Power Drink，唔～～～
沿路見到手湯同腳湯，咁得意，無啦啦喺路邊會有個淨係手或腳嘅溫泉！
其實阿寒國立公園好大，有一邊係可以打golf添，但礙於時間唔許可，我地又係時候去下一站，就係道東三湖另一個湖 -- 屈斜路湖。屈斜路湖係日本最巨大嘅破火山口湖。喺湖邊有好多大大小小嘅溫泉，聽講話只要喺湖邊挖一下就會有溫泉湧出。 另外，仲聽聞有一隻不明物體嘅巨大生物「KUSSI」喺呢個湖出沒添，不過我地又見唔到喎，哈！
諗住搵間coffee shop坐係湖畔欣賞風景，不過冇開。呢個湖方圓幾里都好似冇落腳點，我地唯有直接去下一個地點，道東三湖最後一個，摩周湖。 呢個亦都係我三個湖裡面最鐘意嘅湖。
離屈斜路湖冇耐聞到好大陣硫璜味，原來前面係硫磺山！ 我地仲係條窄窄嘅馬路旁停底影相添。硫磺山係一座活火山，北海道嘅原住民愛奴族叫佢做「裸山」（唔知點解）。
呢條就係川湯溫泉街，好多日本人同遊客鐘意嚟呢度浸浴，貪啲溫泉水嘅礦物質對身體好。條街周圍都係溫泉旅館，有啲就係齋溫泉，冇得住嘅，仲有啲就係頭先見過嘅手湯或者足湯。
由屈斜路湖上摩周湖雖然唔係遠，只係一條路上山，但係呢條路九曲十三彎，要好小心同好慢先唔會坐到頭暈。喺GPS嘅圖片可以睇到條路有幾刁鑽。我地本來認定當年"頭文字D"一定喺呢度拍攝嘅，啲路完全喺可以玩drifting（飄移）咯！
資料話，摩周湖係日本透明度最高嘅湖泊，喺2001年被選定為北海道遺產，佢亦都係一個火山湖，原本係世界上透明度最高嘅湖，不過因為湖裡面養咗姬鱒魚和虹鱒魚，令湖嘅透明度大幅下降。 好多人認為佢係日本最靚嘅湖泊，我雖然未見識哂全日本嘅湖，但都好肯定呢個讚美。尤其佢清都不得了嘅深藍色湖水就更加令人難忘。
環境無得頂嘅摩周湖。（2009年8月：呢兩日嘅新聞話日本藝人酒井法子失咗蹤，仲傳聞話喺摩周湖呢度見到擬似佢嘅屍體添，咁邪？ 不過原來係流嘅，佢因為藏毒而自首咗！）
離開道東三湖，我地落返山，時間都唔早，係時候起程落今晚住宿嘅地方 標茶町。由於地點偏僻，可能冇地方食晚飯，於是就到川湯溫泉駅裡面一間細小嘅西餐廳食個early dinner。佢亦都有人氣curry set，我梗係叫呢個啦！ toto唔食牛嘅，就點咗個seafood sandwiches。雖然呢個小小餐廳好隱蔽，人流又唔多，但佢完全擁有日本一貫嘅傳統，就係講究，仔細同埋超好服務態度。
車程其實唔係好耐，不過呢間lodge實在頗難搵，就算有GPS，佢都係帶到附近嘅地方，最終都係靠自己搵。最後都嚟到喇，呢個lodge叫ロッジシラルトロ (Lodge Shirarutoro)。主理嘅係伊藤一家人，包括爸爸，媽媽，同個仔。
旅館好骨子，有三層高。地面係廚房，洗手間，溫泉，同埋客廳。我地嘅房就喺二樓。 我地仲遇到一個單身韓國女仔自己嚟北海道玩，傾咗一陣，佢嘅行程都同我地有啲一樣，不過佢就係調轉，下一站先係阿寒。
安頓好之後就係辦重要事嘅時候，亦都係考我嘅語言能力嘅機會！事關要同伊藤太太研究聽日點樣遊釧路濕原。我地希望划艇遊濕原，又希望坐濕原Norokko列車，最希望係一個朝早做哂所有事項，唔阻住我地下晝嘅行程。一輪英日文加又寫又畫之後，我同伊藤太太終於做好一個完美嘅plan，自遊行人士嚟濕原玩而又住伊藤家嘅話，可以參考我地呢個天衣無縫嘅行程。梳洗完一輪就休息，養精蓄銳等待聽日嘅節目。
標緻嘅Lodge，滿前仲有伊藤家嘅車，獨木舟等設備。
小小嘅客廳，放滿旅遊指南同埋圖片集。
我地嘅房間
房間嘅窗望出去就係塘路湖
4:39 PM |
Category: |
0
comments
Comments (0)