我地個樣似唔似夢遊緊？

杯奶真係幾鮮甜喎，係較早時候新鮮搾出嚟，無加工嘅！

喺二樓望落下面就係搾牛奶嘅地方，而家好系統化，唔駛經人手喇！最攪笑係睇到啲乳牛原來識得自己自動排隊入閘，好似啲馬入閘預備開跑咁。入哂之後牧場員工就會將搾奶器安放喺啲牛度，搾完之後呢，啲牛又識得排隊離開，等另一批牛入嚟重複同一程序。咁真係好productive喎, 一朝早應該有好多產量！據良春兄話，北海道好多牛奶或芝士製造工場都係搵佢地供應。


之後就落去實地體驗用人手搾牛奶喇！初初掂到牛乳頭嘅時候，感覺怪怪，暖暖地，淋淋地，牧場員工示範俾我地睇好似好容易咁，到我自己試嘅時候發覺要用幾大嘅力度，要用整隻手楂實乳頭，再用第三手指用力噤落去，牛奶就會射出嚟，試咗幾次都係得少少！
對湯淺先生嚟講，搾牛奶簡直係世界上最容易嘅事

但你睇我個樣

下個參觀地點就係小乳牛場。一排排嘅小屋，全都係啱啱出世嘅小牛。咪睇佢地咁大隻，大部份都係得兩至四日大。我地嘗試餵牛仔飲奶，湯淺先生仲叫我地試吓擺隻手落牛仔個口俾佢啜，ouch！



你睇fafa個樣，駛唔駛咁驚呀，唔緊要，牧場主人呵番！ 哈！

行到另一個都係屬於湯淺先生嘅湯淺牧場參觀。原來佢家人整整齊齊住哂喺呢度，包括佢同太太，個仔，新抱，仲有孫仔添！

先入去探吓懷咗孕嘅牛媽媽，佢好慘，唔可以周圍走，仲俾人用鎖鎖住添。良春兄又叫我地嘗試搾呢隻牛媽媽啲奶，吓？ 我地都有試，不過真係唔係咁容易！跟住，良春兄竟然叫我地伸個頭直接去飲射出嚟嘅牛奶，唔係啩？？ 我地打死都唔試，哈！因為感覺好三級！不過Club Med導遊姐姐就非常有膽識，而良春兄仲好細心一手輕輕扶住導遊小姐嘅殲腰，另一手搾牛奶射落佢個口度！睇到呢度，我地三個真係忍唔到笑，toto同我仲單哂眼叫fafa快啲影低呢個情景。此時此刻，無價！