六年後今日，回顧一下呢個blog，至發現這些年來，有好多瀏覽者。除咗回憶當年呢個trip，真心希望呢個blog可以俾大家一啲tips，一啲旅遊書未必會觸及嘅資訊，尤其係道東同積丹一些更好玩好去嘅地方。雖然我只不過係小小blogger，比起專業寫旅遊網誌嘅大師，當然係冇得比，但衷心希望可以幫到大家，亦希望大家喜歡及受用！
11:40 PM |
Category: |
0
comments
2008年6月29日，三個女子拿著三個hand carries，展開8日7夜北海道電波之旅。由富良野出發觀賞各大大小小花田，北上美瑛踏單車，到旭川的旭山動物園探望人氣北極熊與企鵝，向東面進發到比較少遊客選擇的道東三湖兼到阿寒湖探望愛上已久的Marimo，南下於釧路濕源划艇，及進入洋溢歐陸風情的新得牧場餵羊和榨牛奶，再回到熟悉的小樽及從未踏足的積丹半島.... 天天行程新款，晚晚住宿不同，真正所謂食得招積，玩得出色... 夏天的北海道，我什麼時候可以再來？
4:43 PM |
Category: |
1 comments
一直以嚟,北海道喺我印象中都只係白色，因為每年只有冬天至有機會去到呢個地方。所以今年我同toto，fafa決定睇吓北海道嘅夏天係點嘅！
一踏出新千歲機場，已經覺得心曠神怡，深深吸入一口七月北海道嘅空氣，真係非筆墨可以形容。 今日餘下嘅節目其實就係直闖今晚住宿嘅十勝岳，而由於由機場到十勝岳嘅路途頗遙遠，所以我哋喺機場食咗一個early dinner先。
到達租車公司，終於見到未來八日七夜與我地同行嘅mazda喇！ 雖然知道有GPS導航系統，但真係要調較時又唔係太曉，攪咗一輪，最後都戰戰競競出發喇！ 其實我地帶咗ipod去，諗住駁落駕車度聽，點知攪極都唔掂，於是逼住聽default嘅CD，就係DOUBLE嘅『THE BEST COLLABORATIONS』！ Click吓右邊嘅video吖...呢隻歌就係我地三個都入哂腦, DJ Kaori/Double 嘅『Miss DJ』, 而家每次聽返都好開心！
開始時都混混噩噩，唔知幾時轉，幾時Uturn，個system久唔久就自己講嘢，又唔知講乜 (雖然略懂日文，但未至於清楚知道哂講乜)！ 上到highway都靠自己方向感，好彩冇行錯。越行越黑，中途停底買水同埋driving map，呢個時候有斷小插曲：fafa出咗去車攞啲嘢，突然跑返嚟話架車開唔到門，我地諗，死啦，夜媽媽，點算呀。咁我地立即出去睇吓點好嘅時候，fafa大叫:"吓，乜唔係嗰架車先係我地咩!?"...........
呢程由我一個全程駕駛，入咗森林段路都幾驚！記得突然有隻鹿跑出嚟，好彩踩得切brake！最驚係咩呢，就係之後同車嘅兩位都話見唔到有鹿飛出嚟！
差唔多十點幾終於到達十勝岳吹上温泉白銀荘喇。對於剛落機，人生路不熟嚟講，真係揀錯咗地方，又遠，又嘥時間，但知道嘅時候實在太遲..一對面部顏色黑黑地嘅老伯老婆婆迎接我地，從佢地嘅眼神，就知道俾我地嘈醒咗。check in之後立即到溫泉浸一浸，事關十一點就關閉。好趕地浸咗一陣，但已經想瞓着，可能今日實在太攰喇。我地間房唔算大，舖完tatami床，剛好夠我地三個人瞓 ~~~
一踏出新千歲機場，已經覺得心曠神怡，深深吸入一口七月北海道嘅空氣，真係非筆墨可以形容。 今日餘下嘅節目其實就係直闖今晚住宿嘅十勝岳，而由於由機場到十勝岳嘅路途頗遙遠，所以我哋喺機場食咗一個early dinner先。
到達租車公司，終於見到未來八日七夜與我地同行嘅mazda喇！ 雖然知道有GPS導航系統，但真係要調較時又唔係太曉，攪咗一輪，最後都戰戰競競出發喇！ 其實我地帶咗ipod去，諗住駁落駕車度聽，點知攪極都唔掂，於是逼住聽default嘅CD，就係DOUBLE嘅『THE BEST COLLABORATIONS』！ Click吓右邊嘅video吖...呢隻歌就係我地三個都入哂腦, DJ Kaori/Double 嘅『Miss DJ』, 而家每次聽返都好開心！
開始時都混混噩噩，唔知幾時轉，幾時Uturn，個system久唔久就自己講嘢，又唔知講乜 (雖然略懂日文，但未至於清楚知道哂講乜)！ 上到highway都靠自己方向感，好彩冇行錯。越行越黑，中途停底買水同埋driving map，呢個時候有斷小插曲：fafa出咗去車攞啲嘢，突然跑返嚟話架車開唔到門，我地諗，死啦，夜媽媽，點算呀。咁我地立即出去睇吓點好嘅時候，fafa大叫:"吓，乜唔係嗰架車先係我地咩!?"...........
呢程由我一個全程駕駛，入咗森林段路都幾驚！記得突然有隻鹿跑出嚟，好彩踩得切brake！最驚係咩呢，就係之後同車嘅兩位都話見唔到有鹿飛出嚟！
差唔多十點幾終於到達十勝岳吹上温泉白銀荘喇。對於剛落機，人生路不熟嚟講，真係揀錯咗地方，又遠，又嘥時間，但知道嘅時候實在太遲..一對面部顏色黑黑地嘅老伯老婆婆迎接我地，從佢地嘅眼神，就知道俾我地嘈醒咗。check in之後立即到溫泉浸一浸，事關十一點就關閉。好趕地浸咗一陣，但已經想瞓着，可能今日實在太攰喇。我地間房唔算大，舖完tatami床，剛好夠我地三個人瞓 ~~~
4:42 PM |
Category: |
0
comments
一早起身，梗係再去浸多一次溫泉。原來室外仲有幾個露天溫泉，每個含有嘅物質都唔同，溫度唔同，可以醫治唔同嘅病痛。執好行裝大概九點就出發出富良野。
toto今日係司機，沿途落山，藍天白雲，靚得不得了，香港已經幾耐冇見過咁靚嘅天色呢！
經過好幾個花田，唔知係咪未到最盛放嘅時候，都未見到五顏六色好壯觀嘅花田。朝早九點多，街上人都唔多個，於是就揀咗一間餐廳食早餐。我地要咗兩個rice，一個係curry omlette，原來係富良野頗出名嘅食品之一; 另外一個係omelette rice，都好好味。呢間 La Mail 雖然細小，但都非常精緻，有一個外藉女子駐場，原來係英文教師！ 佢除咗喺coffee shop幫手之外，亦會開班教英文添 ~~
時間差唔多要開始我地嘅花田遊，第一站係富良野最大最出名,位於中富良野町嘅富田農場 Farm Tomita。呢個農場係以大面積的薰衣草花田聞名。
眼前就係一大片紫色嘅薰衣草田 - 倖之花田 - 由濃紫早開、丘紫、羊蹄、花藻岩等4種顏色不同嘅薰衣草結合而成嘅花田。雖然做research或者睇書呀，旅遊節目呀見得多，但真係聞名不如見面，非常壯觀！ 你會話，一片紫色嗟，有幾靚呀？！我諗壯觀嘅意思唔係淨係講花田，係包括咗花，環境，天氣等等。今日所有東西加埋就係一幅壯觀嘅圖畫喇。
薰衣草田側面就係其他花卉嘅田 - 花人之田，其實呢個唔算係開花最靚嘅時候，但都會見到一啲好靚嘅構圖。有加州罌栗、姬金魚草、金盞花等色彩繽紛嘅鮮花。
一輪謀殺部相機嘅memory之後，就坐底休息。我地三人買咗薰衣草雪糕試吓，話哂喺薰衣草園冇理由唔試吓咁特色嘅雪糕嘛！ 食咗兩啖，大家你眼望我眼，味道咁熟悉嘅，oh，好似屋企用開個支lavendar handcream囉。 大家試咗少少就冇再食。
後來我地買咗有名嘅melon同埋用melon做嘅雪糕，先滿足啲呀，因為真係好味道。
離開富田農場，下個花田係彩香之里。呢個花田冇富田咁大，最主要栽種薰衣草，品種多達七種，另外仲有羽扁豆花、向日葵同埋多種色彩繽紛嘅花。fafa同toto好似懶懶地，所以坐咗喺度，而我就去咗呢個花田其中一個session摘薰衣草，佢地畫咗一部份，俾遊客自由摘花，其他花田通常都要俾錢先可以摘。
摘完薰衣草都冇乜其他景觀，所以決定去下一個花田，上富良野嘅Flowerland。
呢度係屬於富良野地區少數要收費入場嘅花園，大人 500日圓 / 兒童 200日圓。Flowerland位於上富良野較高嘅地勢，所以可以望哂整個富良野町地區嘅田野美景。Flowerland被喻為係花期最長嘅花田，裡面種咗薰衣草、向日葵、一串紅、百合花、波斯菊同埋罌粟花十多種唔同嘅花種。唔想行咁多路，都可以坐園內嘅觀光巴士穿插其中都得。
離開Flowerland，我地返轉頭，落返富良野，先向富良野 Wine Factory進發。富良野葡萄酒工場位於清水山山坡上。喺葡萄酒工場裡面你除咗可以參觀葡萄酒嘅歷史文物,仲可以參觀葡萄酒裝瓶嘅過程, 可以話係一個小型嘅葡萄酒博物館。見識過葡萄酒的製作過程, 仲可以試飲100%富良野地產嘅葡萄酒。 而工場外面嘅平地又可以睇到十勝岳連峰，真係幾靚！
而酒工場附近就係下一個目的地，富良野芝士工房。芝士可謂係北海道嘅特產之一，有謂冇北海道，就冇日本芝士。原於1933年，日本嘅北海道製酪(即係而家嘅雪印）最先研製出做芝士嘅配方，之後越做越大，形成咗日本人食芝士嘅潮流。芝士工房入場費都係全免，仲有唔同種類嘅芝士任試任食。
La Mail嘅早餐之後其實都冇乜食嘢（除咗中途又食melon，又食雪糕之外），喺芝士工房地面層就有pizza工房。我地用vending machine買咗mini pizza食，頂住個肚先。Pizza即叫即做，仲係用傳統炭爐焗製，特別脆口。
食完pizza，我地再南下，到富良野New Furano Prince Hotel後面嘅Ninguru Terrace。Ninguru Terrace係倉本聰監督所設計構築而成嘅森林遊步道。喺森林裡面散步嘅同時, 你仲可以參觀林間25間風格各不相同嘅手工藝品小木屋。小木屋所販售嘅手工藝品全部都係僅此一家, 別無分號嘅獨家商品!
我之前嚟過，不過都係冬天，記得有一年我地book咗Niseko滑雪，但係當時就咁啱係北海道所謂嘅大災難 -- 唔夠雪！所以Niseko間酒店仲未開。咁我地即刻搜索附近其他有開嘅滑雪場，就搵到富良野呢度。冬天嘅Ninguru Terrace好唔同，每間屋仔前面都有唔同嘅裝飾，好似雪人，聖誕燈飾等。不過最有印象同最掛住就係ChuChu House嘅Yakimilk，即係燒鮮奶。呢個亦都係我一定要返嚟嘅主要原因。其實呢杯奶係用北海道地道鮮奶加熱再放焦糖，最後用火好快咁燒吓面層。到而家我仲記得佢嘅味道係點，唔知下次再飲會係幾時呢？
接落嚟就返去再收集我已經擁有五件嘅「森の楽団」成員。今次買咗一個打鼓嘅樂手，好開心！ 我諗冇乜機會會儲齊整對band，不過我或者阿力每到一次Ninguru Terrace，都會收集一個成員做紀念！
Pension Jacatra 係位於美瑛一個小山坡上，外型真係唔錯。泊好架車，我地入去check in，喺check in嘅簿仔度發現今晚嘅guest都幾多香港人！我地被安排咗住二樓嘅一間三人房，都係要自己舖tatami，無所謂啦！ 安置好我地就周圍參觀影相！全層二樓嘅房客都係share一個洗手間，不過唔駛擔心，喺日本，點都係非常乾淨嘅！我知三樓係有套房，兼有按摩椅添。講明半budget trip，雖然唔會刻薄自己，但亦唔會太浪費。沖涼地方仲搞笑，係喺室外嘅一間屋仔度，仲要排隊輪候。到地下大廳，主要係飯堂，見到staff開始擺放餐具預備晚餐，有爐頭添，嘩，原來係火鍋呀！ 最衰我地無book到晚飯，唯有迫住落山搵嘢食！
室外嘅浴室小屋
到外面草披地，有張木枱，木凳，再行遠啲有個韆鞦，遠望就係美瑛市嘅花田。七月初雖然未係花開得最靚嘅季節，但遠望一片綠色嘅草田，加埋啱啱日落，坐喺韆鞦上搖吓搖吓，都咪話唔舒服！我地三個童心未泯咁玩咗一陣，就預備出城搵食。
我地喺travel guide睇到間食日本西餐嘅，就決定去試吓。不過入到去明明有位，都要等三十分鐘喎，日本人好唔識諗通，你點講都唔會改變佢地嘅做事方式，咁我地唯有搵第二間。試過喺街捉個路人甲問，佢又唔知指咗我地去邊，最後我地再靠travel guide搵咗間食燒烤嘅，咁梗係醒目打咗電話book枱先啦。店主好nice，佢都識啲英文，由於menu上嘅肉類都分好幾種，好似我地打邊爐嘅牛都有分雪花肥牛，牛頸脊，牛展咁啦，所以老板娘都幫我地去點菜。
返到pension好多guest都去哂休息，咁我地快快趣三個一齊沖涼去。臨休息前我地喺門前嗰張木枱坐咗一陣, 由於附近無建築物，加上天色好清，我地見到滿天星星，阿toto老師仲教我地睇邊粒係乜嘢星座添。
今日做咗好多嘢，係時候早啲休息喇。之不過 ~~~ 我啱啱瞓喺牆邊，而隔離房個大叔嘅鼻鼾勁滋擾!!! 我唯有搵我個friend itouch引我入睡 ~~~
4:41 PM |
Category: |
0
comments
Book Pension Jacatra 時話明唔食早餐同晚餐，所以今朝就食琴日係新富良野酒店後面間bakery shop買定嘅麵包做早餐！不過我建議，如果住Pension Jacatra，真係要試吓佢個火鍋，因為好似好吸引咁！加上附近冇乜得食，可以唔駛好似我地咁，周圍搵食！
今日第一站就去美瑛JR站租單車。租車嘅地方係一間便利店，點門前泊咗好多單車，一定唔會miss。店長show咗俾我地睇應該點行法，要經邊啲花田，點樣返嚟之後，我地就出發！
路線其實有兩條，分別係景觀之路panorama同埋拼布之路patchwork。其實我都唔記得行咗邊條 (睇返啲路線圖，又好似panorama)，沿途經過好幾個小花田，但我地冇入。 呢段路頭段平路多，唔算難行，不過今日天氣實在太好，太陽又非常猛烈，所以都索哂氣，我地中途都停咗好幾次休息。
記得有一段路係直衝落斜路，嘩，好爽！ 之後有段路係大斜路上山，我地三個呆咗咁望住條路，點好呢，都要頂硬上，唯有不停用念力同自己講，上到頂就可以坐低休息嚟激發行埋呢段路。我本來堅持踩足全程，但中途都支持唔住，落車推咗一陣。至於我嘅隊友fafa同toto，一邊行，一邊媽媽聲，哈哈！
終於都山頂，見到四季彩之丘嘅入口！ 花田旁邊有間小木屋，原來係餐廳，我地決定午餐就喺呢度解決！
好骨子嘅小餐店，由三個嬸嬸主理。我地各自點咗食物，fafa嘅咖哩飯好有heart，事關真係心形。而我嘅和牛sandwich都ok！
嘆咖啡時見到有本guest book，toto 突然有感而發留底咗段說話。
午餐後又有一段小插曲，我上返架單車後預備離開，用超慢嘅速度行走，可能係石仔路嘅緣故，路面不平，我突然失咗平衡，成個人打側跌咗落地，嗰一刻覺得好痛，條褲穿咗小小窿，但前手臂位就係重災區，輕輕落地估唔到刮得咁深，件衫袖位穿哂，血流不止！ 好彩花田前有間shop，諗住實有膠布賣，點知冇！ 不過日本人都好好，cashier喺唔知邊度俾咗塊膠布我，但我傷嘅範圍實在太大，點都黐唔哂，唔緊要啦，已經唔係好痛，行埋個花田落山先算。
四季彩之丘原來好大，足足有三個東京巨蛋體育場咁大，全個花田有薰衣草、雞冠花、向日葵、羽扇豆、波斯菊等30唔同種類花種，呢度仲係位於美瑛景觀之路panaroma地區，可以眺望到大雪山。
回程途中
美瑛市歐陸式嘅街道非常乾淨，近火車站嘅建築好有歐洲風, 而每棟建築物上面都有刻咗建造年份。 一邊踩單車，一邊感受吓咁清新嘅空氣，手臂嘅痛楚都感覺輕咗。
還咗單車之後就走到便利店旁嘅一間藥房買膠布。我入到去，有個藥劑師婆婆問我要啲乜，咁我俾個傷口佢睇，佢好好，冇介紹我買邊啲藥，就立即俾咗啲藥膏搽傷口，先再叫我揀膠布買。
離開美瑛市，我地急不及待去下一個目的地，旭山動物園，路程大概都係三十分鐘左右。點解我地咁期待呢，就係因為可以見到係香港冇機會見嘅北極熊同企鵝喇！
今日天氣好靚，亦有啲熱，泊好車我地就由動物園嘅東門進入。
好可愛呀，呢隻北極熊好識show off，因為工作人員會續批續批遊客咁放入館，佢一見人多，而個個都將相機鏡頭對住佢嘅時候，就喺個玻璃邊游來游去，好enjoy咁表現自己，亦好proud咁多人咁近距離見到佢嘅驚心動魄嘅表情。
跟住到企鵝館，我都唔明天氣咁熱，話哂都有廿七八度，啲企鵝點可以出嚟啲露天嘅地方，仲要企咁耐呢？ 睇吓呢隻，個款係埋好招積？
旭山動物園嘅企鵝主要有四種：國王企鵝(King)，紳士企鵝 (Jentu)，漢堡特企鵝 (Humboldt) 仲有跳岩企鵝 (Rockhopper)。 原來企鵝好得意，無論老嘅嫩嘅，行路姿勢都係個頭搖吓搖吓咁，不知幾咁生鬼！ 見到佢地就不其然諗起Happy Feet套戲。
館裡面有一條通道向下走，其中一段係一條完全透明嘅玻璃隧道穿過水池底部，企喺度可以近距離睇見企鵝逍逍遙遙咁喺你頭頂游來游去。
嘩，熊出沒注意！
除咗北極熊，企鵝，同熊人館之外，當然都去過其他館啦，不過冇乜特別，所以冇用咁多篇幅去講。已經下晝四點，我地係時候出發去今晚住宿嘅地方 -- 阿 - 寒 - 湖。
好多身邊嘅朋友去北海道自駕遊，通常都係去道央 - 札幌，小樽，富良野，美瑛，最多去埋旭川。可能覺得好遠同埋怕冇咁多地方去。過咗呢個trip，我可以話成個旅程最好玩係而家開始。
由於今次車程都幾長，要四個幾鐘，所以要早啲起行，費事夜媽媽搵路。我地離開旭川前就梗係要試返個出名嘅旭川拉麵先啦！
呢程長途車都唔算悶，由旭川出發先經過city，可以睇吓旭川市嘅風貌。 大約個幾鐘頭之後建築物開始稀疏，車路就由幾條減到單線行車，由於有頗多大貨櫃車或者係行得超慢嘅車，好多時都要爬頭，其實都幾緊張刺激。沿途經過層雲峽，位於大雪山山麓，呢座大峽谷裡面佈滿高達100米左右嘅懸崖峭壁，都係凝灰岩受侵蝕後形成嘅地形。本來都想將層雲峽列入itin裡面，但plan落又冇咁多時間，而且景點都係睇吓瀑布之類，冇乜互動嘅項目，所以skip咗。今次經過都可以望到，景緻不俗。
差唔多夜晚八點幾到達阿寒嘅新阿寒酒店。樓高九層，我揀呢間酒店除咗佢近碼頭方便第二日坐船同埋近遊客街之外，就係睇中佢頂樓嘅空中溫泉！
由於八點幾，外面嘅食肆都收哂爐，而原來我地幾booking又包埋buffet dinner，咁梗係貪方便啦，於是我地行李都未放上房，check in完就急不及待食咗buffet dinner先喇。確實啲食物都唔差！
呢個係我今日嘅代表作
酒店有兩部份，分別係Shangri La同埋Crystal Tower，我地被安排住Crystal Tower。 發覺房間唔算好新淨，有輕微甩皮甩骨，不過唔係好嚴重。間格有啲似Niseko嘅Hirafutei，四正房間加一個小小露台。打開窗簾，well，黑漆漆，乜都睇唔到，淨係睇到樹葉。
收拾一輪之後，我同fafa決定進攻幾個大浴場！ 酒店有好幾個浴場，而我地就揀咗九樓嘅「雲海」同「天舞」，而溫泉邊又有另一條樓梯通到頂層嘅露天風呂「月見の湯」同「花見の湯」！ 可能太夜而且呢兩個露天風呂都接近關閉時間，人唔多，其實咪就係得我地兩個！不過咁夜其實冇乜景睇到，所以都冇stay太耐。
一身裝束浸溫泉去，佢地低頭研究緊近排好興嘅齋油腳趾公新油法，都係唔明點解會成為潮流。
4:40 PM |
Category: |
0
comments